Booliska Muqdisho ayaa shaaca ka qaaday in kooxda hubaysan ee Al-Shabaab ay weerar argagax leh oo loo adeegsaday baabuur ku qaadeen Axadii huteel ku yaal magaalada caasimada ah ee Muqdisho, halkaas oo ay ku dhinteen ugu yaraan sagaal qof.
Sida ay sheegayaan wararkii ugu dambeeyay, ugu yaraan sagaal qof oo ay ku jiraan afar weeraryahanno ayaa dhintay in ka badan 10 qof oo rayid ahna way ku dhaawacmeen.
Ra'iisul wasaare Maxamed Xuseen Rooble ayaa qoraal uu soo saaray ku sheegay in dadka ladilay uu kamid yahay Jeneraal hore oo militariga katirsan, Maxamed Nuur Galaal.
“Waxaan cambaareynayaa weerarka waxashnimada ah. Dhammaan inta dhimatay Allaha u naxariisto. General Maxamed Nuur Galaal, waxaa lagu xasuusan doonaa kaalintiisii 50-ka sano ee uu soo qabtay difaaca dalka, ”ayuu yiri Ra’iisul Wasaaraha.
Gaari laga soo buuxiyay walxaha qarxa ayaa ku dhacay iridda laga galo Hoteelka Afrik, oo ku dhow isgoyska istiraatiijiga ah ee K-4 ee magaalada Muqdisho, waana la qarxiyay, sida uu goor sii horreysay xaqiijiyay afhayeenka booliska Saadiq Aadan Cali.
Tiro ka mid ah dableyda ayaa markaa si deg deg ah ku soo galay hoteelka, iyaga oo rasaas ku furay shaqaalihii iyo dadkii la socday ee ku sugnaa, ayuu yidhi.
Ciidamada dowladda ayaa ka jawaabey weerarka waxaana la maqlayaa rasaas ka socota hoteelka. Booliska ayaa dad badan ka badbaadiyay hudheelka, oo ay ku jiraan milkiilaha iyo jeneraal ciidan.
Al-Shabab, oo ah koox hubeysan oo xiriir la leh Al-Qaacida oo dooneysa in ay afgembiso dowladda uu caalamku taageero, ayaa sheegatay mas'uuliyadda weerarka iyada oo u sii marisay idaacaddooda Andalus.
Al-Shabab ayaa inta badan qaraxyo ka fulisa dagaalada ay kula jirto dowladda Soomaaliya, oo ay taageeraan Qaramada Midoobay iyo ciidamada nabad ilaalinta ee Midowga Afrika.