Madaxweynaha ayaa amar ku bixiyay in la joojiyo ololaha wacyigalinta ee cudurka Coronavirus

Ololeeyayaasha isku dayaya inay la dagaallamaan Coronavirus waxay xirtaan maaskaro iyo gacmo gashi waxayna ku wacdiyaan gacmo-dhaqashada si looga ilaaliyo inuu faafo coronavirus. In la joojiyo ololaha wacyigelinta coronavirus waa amarka ka soo baxay Madaxweyne Peter Mutharika. Isaga usbuucii la soo dhaafay wuxuu ku dhawaaqay COVID-19 inay tahay masiibo qaran oo soo foodsaartay Malawi, xisbiyada mucaaradka waxay u socdeen guri-guri si ay dadka uga wacyi galiyaan astaamaha iyo ka hortagga.

Malawi waxay amar ku siisay xisbiyada siyaasada ee mucaaradka inay ugu yeeraan dadaalada mid siyaasadeysan masiibada. In kasta oo Malawi aysan wali xaqiijin kiis fayraska, xisbiyada mucaaradka ayaa guri-guri u galaya si ay dadka uga wacyi galiyaan astaamaha iyo ka hortagga.

Afhayeen u hadlay dowlada ayaa u sheegay Voice of America in fariinta ay faafinayaan mucaaradka aysan aheyn mid ay soo diyaariyeen khubaro caafimaad, taas oo ka dhigeysa in dadaalada ay yihiin talaabo siyaasadeed oo waxyeello u geysan karta intii ka wanaagsan.

Mucaaradka Malawi Congress Party (MCP) iyo United Transformation Movement party (UTM) ayaa guri guri u galaya meelaha miyiga ah si ay ugu baraarujiyaan calaamadaha iyo ka hortaga.

Maaddaama coronavirus-ka uu ku faafayo Afrika oo dhan, Malawi waxay xoojisay baaritaanka fayraska dhammaan goobaha laga soo galo iyo isbitaalada. Maamulka caafimaadka ayaa sheegay in ka badan 500 oo qof in lala socdo iyaga oo ku jira is karantiil dalka oo dhan.

Arrinta ku saabsan ololaha xisbiyada mucaaradka ee coronavirus ayaa ku soo beegmeysa iyadoo guddiga doorashada ee Malawi Isniinta ay sheegeen in dib loo soo celin doono doorashadii sanadkii hore la baabi'iyay oo la qaban doono 2-da July.

Maxkamadda Dastuuriga ah ayaa bishii la soo dhaafay laashay doorashadii bishii May ee sanadka 2019, iyadoo ku sababeysay khaladaad baahsan. Xisbiga madaxweyne Mutharika ayaa racfaan ka qaadanaya go’aanka maxkamada sare.