Ciidamada amaanka Masar ayaa sabtidii bilaabay ugaarsi ay ku baadi goobayeen labo nin oo la rumeysan yahay inay qorsheynayeen inay weeraro argagaxiso ka geystaan goobaha loo dalxiis tago ee Siinaay. Wadooyinka soo gala Siinaay ayaa la soo dhigay Isbaarooyin iyo Koontaroolo, waxaana ciidamada ay ku raad joogaan gaari yar oo la rumeysan yahay in uu sido walxaha qarxa. Tuhmanayaashan ayaa loo malaynayaa in ay Masar ka soo galeen xadka koonfureed ee ay la wadaagto Suudaan.
Kooxaha xiriirka la leh Al Qaacida ayaa weeraro bambaanooyin waaweyn ku qaaday goobaha dalxiiska ee Sinai intii u dhaxeysay 2004 iyo 2006. Weerarada argagixisanimo ee xilligaasi waxay ka dhaceen Sharm el-Sheikh, Taba iyo Dahab waxaana ku dhintay ugu yaraan 125 qof oo ay ku jiraan Israeliyiin.
Xilligaas, dawladda Masar waxay weerarradaas ku eedaysay kooxo maxalli ah oo Islaami ah oo ay sheegtay in Al-Qaacida ay ka hawl-gelisay unugyada hurdada ee Masar, isla markaana ay iskaashi ka heleen Bedouin deegaanka Siinaay oo argagixisada ka caawiyay inay ka baxsadaan jidgooyooyinka iyo isbaarooyinka ay dhigteen ciidamada ammaanka Masar. Saddexda urur ee marka hore sheegtay mas'uuliyadda qaraxyada ismiidaaminta ah ayaa kala ahaa Al Jamaah Islamiya al Alamiya (Kooxda Caalamiga ah ee Islaamka), Kataib al Tawhid al Islamiya (Unity of God Islamic Brigades) iyo Abdullah Azzam Brigades.
Maalmo ka hor, hogaamiyaha nambarka labaad ee Al Qaacida Ayman Al Zawahri ayaa ku baaqay weeraro lala beegsado bartilmaameedyada Israel, Yuhuuda iyo Maraykanka, si ay uga aargoostaan ciidamada isbahaysiga ee ka hawlgala Ciraaq, wuxuuna jawaab u ahaa waxa uu ku tilmaamay xasuuqa ay Israel ku hayso Falastiiniyiinta. Gaza.
infolive.TV
