Garoonka caalamiga ah ee Sabiha Gokcen ee magaalada Istanbul ayaa ah garoonka labaad ee ugu weyn magaalada Istanbul ee dalka Turkiga.
Bam ayaa ku qarxay garoonkan Arbacada subaxnimadii hore ee saaka abaarihii 2-dii duhurnimo ee xilliga geeska Afrika.
Labo qof ayaa ku dhaawacantay – mid dhaawaciisu culus yahay – qaraxa, oo la rumeysan yahay in ay saarnaayeen diyaarad u dhow mid ka mid ah dhismayaasha.
Khubarada takhasuska u leh ayaa hubinaya diyaaradaha kale iyo aagga waxyaabaha qarxa. Bamka ayaa laga yaabaa in lagu hawlgeliyay diyaaradda dusheeda oo ku taal meel u dhow dhismaha, waxaana suurtogal ah inuu noqdo fal argagixiso.
Sida ay sheegtay wakaaladda wararka ee DHA, mid ka mid ah dadka dhaawacmay ayaa dhintay.