Diyaarad rakaab oo laga leeyahay dalka Iran ayaa Arbacadii ku burburtay waqooyi galbeed ee magaalada Tehran, una dhaw magaalada Qazvin. Dhammaan dadkii saarnaa ayaa loo malaynayaa inay dhinteen.
Diyaaradan oo nooceedu ahaa Tupolev ayaa waxaa iska leh shirkadda diyaaradaha ee Caspian Airlines ee laga leeyahay dalka Iran, waxaana la qorsheynayay in ay ka duusho magaalada Tehran kuna sii jeeddo magaalada Yerevan ee dalka Armenia markii ay burburtay saacad ka dib markii ay duushay.
Press TV ayaa sheegtay in dhammaan 168 rakaab ah ay dhinteen.
Taliyaha Bilayska Qazvin Hossein Behzadpour ayaa Arbacadii sheegay in dhammaan dadkii saarnaa ay “aad u badan yihiin” inay dhinteen.
Shilka ayaa ka dhacay meel u dhow tuulada Jannat-abad oo u dhow Qazvin.
