Wasiir dawladeed ayaa ku dhintay shil diyaaradeed oo ka dhacay Paraguay

Diyaarad uu la socday Wasiirka Beeraha ee Paraguay Luis Gneiting ayaa waxaa helay kooxaha baadi goobka iyo samatabixinta kadib markii la waayey fiidnimadii Arbacada, sida uu idaacada maxaliga u sheegay sarkaal ka tirsan waaxda duulista hawada ee dalka.

Diyaaradda ayaa laga helay meel 6km u jirta garoonka diyaaradaha Ayolas, halkaas oo ay ka kacday. Waxay ku sii jeeday caasimada dalka, Asuncion, sida uu sheegay Luis Aguirre, oo ah madaxa Hogaanka Duulista Hawada ee Qaranka.

Diyaaradda waxaa la socday wasiirka beeraha oo ay wehliyaan seddex kale. Aguirre wuxuu sheegay inuusan wali wax macluumaad ah ka haynin rakaabka.

Haraadiga diyaaradda waxaa laga helay dhul qoyan. Caarada dabada ayaa la arki karaa oo diyaaradda inteeda kale waxay ku jirtaa biyaha, ”ayuu yiri Aguirre. Iyada oo ku saleysan waxa aan arki karno, tanina ay tahay mid aan rasmi ahayn, ma jiraan wax ka badbaaday.

Wasiir kuxigeenka Gneiting, Vicente Ramirez, ayaa sidoo kale la socday diyaaradda, Aguirre ayaa intaas ku daray.

Kooxda badbaadada ayaa helay diyaaradda matoorka mataanaha subaxnimadii Khamiista.

Aguirre wuxuu sheegay in diyaarada ay duulaysay kaliya labo ama seddex daqiiqo mana gaarin meel sare kahor inta aysan soo dhicin.

Sida laga soo xigtay warbaahinta maxalliga ah, labada rakaab ee kale waxay kala ahaayeen farsamo yaqaan Luis Charotti iyo duuliyihii, Gerardo López.

Diyaaradda ayaa la sheegay inay soo duushay Arbacadii 6:22 pm waqtiga maxalliga ah.

WARSIDAHA:

Wasiirka beeraha ee Paraguay, Luis Gneiting iyo saddex qof oo kale ayaa dhintay markii diyaarad matoor mataano ah oo u siday caasimada Asuncion ay ku dhacday dhul qoyan habeenkii Arbacada, sarkaal ayaa sheegay khamiistii.

Joaquin Roa, oo ah madaxa xoghaynta xaaladaha deg-degga ah ee qaranka ayaa yiri: "Waa murugo aad u weyn in aan shaacinayno dhimashada afar qof oo saarnaa diyaarad shil gashay," ayuu yiri Joaquin Roa, oo ah madaxa xoghaynta xaaladaha deg-degga ah ee qaranka. ahaa "gebi ahaanba kala firidhsan."

"Dhamaan Pagaguay waxay kujiraan baroor diiqda shilkan," Madaxweynaha la doortay Mario Abdo, oo xafiiska la wareegi doona 15-ka Agoosto, ayaa saxaafada u sheegay.