KHANQIN, Ciraaq – Dabley hubaysan ayaa rasaas ku furay basaska dalxiiska ee dalka Ciraaq Arbacadii, halkaas oo ay ku dileen shan Irani ah, sida ay sheegeen booliiska.
Kooxda weerarka fulisay ayaa kolonyo ka kooban saddex bas oo yaryar ku weeraray degmada Imam Wais oo ka tirsan gobolka Diyala ee magaalada Khanqin, sida uu wakaaladda wararka ee Kuwait u sheegay ilo booliis ah oo aan la magacaabin.
Wararka ayaa sheegaya in dhammaan dadka dhintay ay ahaayeen haween halka 20 kalena ay ku dhaawacmeen kuwaasi oo loo qaaday isbitaallada dhacdadan.
Weerarkan ayaa ku soo beegmay xilli dalxiisayaal Iiraaniyiin ah ay ku qul qulayeen Ciraaq si ay u booqdaan macbadyada Shiicada ee Najaf, Karbala, Koufa iyo Samarra, ayuu yiri KUNA.
