Madaxa Guddiga Nidaaminta Duulista Hawada ee Jordan, Haitham Misto, ayaa sheegay Isniinta, in furitaanka garoonka cusub ee caalamiga ah ee Israa’iil ee laga dhisayo xadka ay wadaagaan, uu halis gelin doono hawada boqortooyada.
Sarkaalka Jordan ayaa yiri “Jordan waxay diiday in la dhiso garoonka diyaaradaha Israel halka uu hada ku yaalo,” ayuu yiri sarkaalka udhashay Jordan.
Misto wuxuu sheegay in garoonku uu jebiyay “halbeegyada caalamiga ah ee la xiriira ixtiraamka madaxbanaanida hawada iyo dhulka dalalka kale”.
Raiisel wasaaraha Israel Binyamin Netanyahu ayaa ka qeyb galay xafladii furitaanka horaantii maalintii garoonka diyaaradaha ee Ramon, oo loogu tala galay in kor loogu qaado dalxiiska gobolka Yuhuuda loona noqdo badal deg deg ah garoonka diyaaradaha Tel-Aviv ee Ben-Gurion.
Markii hore, Terminal-ka cusub ee garoonka ayaa la wareegi doona oo keliya duulimaadyada gudaha ee ay ka shaqeeyaan shirkadaha diyaaradaha ee laga leeyahay Israel. Weli lama cayimin taariikhda ay bilaabi doonaan duulimaadyada caalamiga ah.
Jordan ayaa markii ugu horeysay ka dhawaajisay diidmadeeda garoonka diyaaradaha cusub ee Israel markii dhismaha la bilaabay 2013.
Gegada diyaaraduhu waxay fadhidaa wax yar oo ka mid ah xadka ay la wadaagto garoonka diyaaradaha caalamiga ah ee King Hussein ee magaalada Cabaaba ee Badda Cas.
Misto wuxuu sheegay in Jordan ay ku wargalisay Ururka Duulista Rayidka Caalamiga ah “diidmada xoogan ee boqortooyada”.
Boqortooyada, ayuu yiri, waxay ugu baaqday ICAO inay “qaaddo dhammaan tallaabooyinka lagama maarmaanka ah si loo hubiyo in Israa’iil ay u hoggaansanto heerarka caalamiga ah”.
Misto wuxuu sheegay in guddiga uu la xiriiray hey'adda duulista rayidka ee Israel, wuxuuna "ku wargeliyay in go'aanka lagu howlgelinayo garoonka diyaaradaha aan loo qaadan si kaligiis ah illaa laga xaliyo dhammaan arrimaha taagan".
Jordan “waxay haysaa dhammaan xulashooyinka si loo hubiyo difaaca danaha boqortooyada iyo ilaalinteeda,” ayuu raaciyay.
