Lubnaan ayaa Arbacadii ku biirtay quruumaha kale ee Carbeed baabi’inta sharci u oggolaanaya kufsiga in ay ka baxsadaan ciqaabta haddii ay guursadaan dhibbanayaashooda tallaabada ay ku bogaadiyeen kuwa u ololeeya xuquuqda haweenka
Xilliga uu Urdun ka tagayo sharcigiisa horaantii bishaan, iyo Tunisia oo sidaas sameysay bishii hore, xildhibaanada Lubnaan waxay u codeeyeen in meesha laga saaro qodobka 522 ee xeerka ciqaabta Lubnaan.
"Tani xaqiiqdii waa tallaabo loo baahan yahay in loogu dabaaldego dhammaan haweenka ku nool Lubnaan," ayuu yiri Roula Masri oo ka tirsan kooxda xuquuqda maxalliga ah ee Abaad. Abaad waxay olole ka dhan ah sharciga dalka u ololeyneysay muddo ka badan sanad.
"Baarlamaanku waa inuu… si deg deg ah u ansixiyaa sharci lagu joojinayo kufsiga guurka iyo waliba guurka caruurta, oo wali sharci ka ah Lubnaan," ayuu yiri Bassam Khawaja, oo ah cilmi baare Lubnaan ka tirsan Human Rights Watch.
