STATE COLLEGE, Pennsylvania – AccuWeather.com ayaa ku warramaysa in duufaano u muuqday in ay ka socdeen aaggaas xilligii ay diyaaraddu ku burburtay bariga Venezuela Isniintii, Sebtember 13, 2010.
Sida xogta aan kuhelayno dayax-gacmeedka,Duufaan xooggan ayaa ka dhacay agagaarka garoonka diyaaradaha markii uu ka duulayay,inkastoo xogta danabka aan laheli doonin saacado kale.
Wakaalada wararka ee Associated Press ayaa ku warameysa in diyaarada ay burburtay wax yar kadib markii ay kacday abaaro 10:00am subaxnimo xiliga gudaha wadankaasi.
Diyaaradda ayaa ku sii jeeday Jasiiradda Margarita iyadoo ka soo duushay garoonka diyaaradaha ee Guayana ee dalka Venezuela, waxayna ku soo dhacday meel 6 mayl u jirta garoonka.
Diyaaradan oo nooceedu ahaa ATR43 Twin-Twin-turboprop ayaa waxaa saarnaa 47 rakaab ah iyo 4 shaqaale ah, sida uu CNN u sheegay sarkaal dhanka gaadiidka ah.
Jose Bonalde oo ah madaxa dab damiska iyo goobta uu shilku ka dhacay ayaa u sheegay wakaalada wararka ee Reuters in 13 meyd ah laga soo saaray diyaarada.
AP ayaa sidoo kale sheegtay in ugu yaraan 23 qof loo qaaday isbitaallada.
