CiraaqWasiirka Gaadiidka, Razzaq Muhaibis Al-Saadawi, ayaa ku dhawaaqay bilawga mashruuca marinka tareenada ee Ciraaq iyo Iran.
Booqashada uu ku tagay dekadda Shalamcheh ee gobolka Basra ayaa waxa uu faah faahin ka bixiyay mashruucan mas’uuliyiin kala duwan oo uu ka mid yahay guddoomiyaha gobolka Basra Asaad Al-Eidaani iyo agaasimaha guud ee shirkadda dekedaha Ciraaq Farxaan Al-Fartuusi. Al-Saadaawi ayaa ku nuux-nuux saday muhiimadda ay leedahay booqashooyin shaqo oo lagu kormeerayo habsami u socodka mashruuca, wuxuuna daboolka ka qaaday in waaxaha maamulka degmada Basra ay ansixiyeen koorsada mashruucan.
Dowladda Ciraaq oo uu ugu horeeyo Ra'iisul Wasaare Maxamed Shiico Al-Sudani, waxa uu qaatay go'aamo lagu fududaynayo dhamaystirka mashruuca tareenada Ciraaq iyo Iran. Wasaaradda gaadiidka ayaa hadda go’aaminaysa waddooyinka, jadwalka, buundooyinka, iyo saldhigyada mashruuca, kaas oo loo arko in uu yahay qayb muhiim u ah kaabayaasha dhaqaalaha Ciraaq iyo isku xirka dalalka deriska ah iyo kuwa bartamaha Aasiya.
Intaa waxa dheer, dhinaca Iran waxa ay go'aansatay in ay miinooyinka ka nadiifiso jidka tareenka ee ku xiga dagaalka.
