Salih Khater oo ah nin u dhashay dalka Sudan balse haysta dhalashada dalka Britain ayaa la xiray kadib markii looga shakiyay inuu gaari jiirsiiyay dad lugeynayay iyo wadayaasha baaskiillada ka hor inta uusan ku dhicin xayndaab dhanka ammaanka ah oo ka baxsan aqalka baarlamaanka.
Mr. Khater waa 29 jir.
Wakaalada wararka ee Reuters ayaa ku warantay in ninkan ay aqoonsadeen ilo dhanka amaanka ah ee reer Yurub. Waxa ay intaa ku dartay in aanay laamaha ammaanku ka warhayn Salaasadii ka hor.
Iyadoo muwaadinka UK uu ku sii jiro xabsiga booliska, waxaa bilowday faahfaahin ku saabsan tuhmanaha, kaasoo ku noolaa guri yar oo ku yaal Birmingham, iskuna tilmaamay inuu yahay maamule dukaan.
Waxa la rumaysan yahay in uu habeenkii oo dhan dhex mushaaxayay si uu uga faa'iidaysto Westminster in ka badan saacad iyo badh ka hor inta aanu baaskiil wadayaasha ku dhex jeexin wadnaha Westminster subaxnimadii Talaadada.
